Kuri uyu wa 26/03/2017 mu cyumba cy’Inama cy’Akarere ka Nyamasheke Imbuto foundation yahembye abana b’Abakobwa batsinze neza mu bizamini bya leta (Amashuri abanza, ikiciro rusange n’igisoza amashuri yisumbuye)baturutse mu turere  twa Nyamasheke,Rusizi na Karongi

Umuhango wayobowe na Nyakubahwa Umunyamabanga wa Leta muri MININFRA Dr. NZAHABWANIMANA Alexis, ari kumwe n’Umuyobozi w’Akarere ka Nyamasheke, Abayobozi b’Akarere Bungirije bombi, Umuyobozi w’Akarere ka Rusizi Wungirije Ushinzwe Imibereho myiza y’Abaturage , Umuyobozi w’Ingabo mu karere  hamwe na delegation yaturutse mu mbuto iyobowe na Deputy DG John NTIGENGWA.

Yaba Dr Berthe na Major Rose URUJENI batanze ubuhamya bwa’aho bigegeje, bose bakanguriye abana b’abakobwa gutinyuka bakabona ko nta cyabananira bagishyizeho umutima banasaba imiryango kubitaho cyane.

Mu butumwa nyaukuru bw’uyu munsi, Nyakubahwa Umunyamabanga wa Leta muri MININFRA Dr. NZAHABWANIMANA Alexis yagarutse ku mpamvu zitandukanye zituma umwan aw’Umukobwa asigara inyuma. Yavuze ko ku bijyanye n’amategeko mu Rwanda tumaze kugera kur byinshi ariko ko hakiri imbogamizi mu myumvire aho usanga imirimo imwe n’imwe yarabaye iy’abakobwa. Yasabye ababyeyi gutanga urugero rwiza ku bana babo kugira ngo batazakura azi ko ari ko bigenda. Aha yatanze urugeo agira ati “sinumva impamvu imirimo imwe n’imwe yaharirwa abakobwa mu gihe abahungu bigaramiye, kuki ari ihame ko umwana agomba guhekwa na nyina gusa kdi na se afite umugongo? Tugoma guhindura imyumvire. Kuki se buri gihe abakobwa bahora bategerereje ubuzima ku bahungu cyane cyane mu gihe cyo kubaka urugo? Kuki wumva wajya mu nzu ari uko ari we uyubatse?

Abana bahembwe ashimiye Nyakubajwa Perezida wa Repubulika by’umwihariko Madamu we Jeannette KAGAME uburyo adahwema kugaragaza ko umwana w’umukobwa ashoboye ndetse akanabashyigikira mu buryo bumwe ndetse n’ubundi dore ko ari na we muyobozi Mukuru wa Imuto Foundation.

Hahembwe abana 26 bahabwa bimwe mu bikoresho by’ishuri abandi bahabwa mudasobwa ngendanwa.

 

TUYIZERE Jacques

Share Button