ISHAMI RY’UBUREZI – INCAMAKE NA SERIVISI ZITANGWA
Ishami ry’Uburezi mu Karere ka Nyamasheke rifite inshingano zo guteza imbere uburezi bufite ireme, bungana kandi bugera kuri bose. Rihuza igenamigambi, ishyirwa mu bikorwa no gukurikirana gahunda z’uburezi, rikorana n’abafatanyabikorwa mu guhuza ibyifuzo by’Akarere na politiki za Leta n’ibyemezo by’Inama Njyanama.
Serivisi zitangwa
1. Igenamigambi n’Ihuzabikorwa ry’Uburezi
- Kumenya no kugaragaza ibikenewe mu burezi mu Karere hose.
- Guhuza igenamigambi, ingengo y’imari, gushaka inkunga, ishyirwa mu bikorwa, gukurikirana no gusuzuma gahunda z’uburezi ku nzego zose.
- Guteza imbere uburyo bwo gucunga ubumenyi mu rwego rw’uburezi.
2. Gushyira mu bikorwa Politiki n’Ingamba
- Guhuza itegurwa n’ishyirwa mu bikorwa ry’ingamba zishyira mu bikorwa politiki z’uburezi n’ibyemezo by’Inama Njyanama.
- Guteza imbere imikoranire n’abafatanyabikorwa mu rwego rw’uburezi.
3. Ubukangurambaga n’Iterambere ry’Uburezi
- Gutegura ubukangurambaga bugamije guteza imbere uburezi kuri bose.
- Kurengera uburenganzira bw’abana bwo kubona uburezi bufite ireme.
- Gushyira mu bikorwa ingamba zigamije kugabanya abana bata ishuri.
4. Igenamigambi ry’Ibikorwaremezo by’Amashuri
- Kugaragaza ibikenewe mu kubaka no gusana amashuri mu bufatanye n’abatekinisiye.
- Guhuza itegurwa no kuvugurura ikarita y’amashuri y’Akarere (school map).
5. Gucunga Amakuru n’Iterambere ry’Abakozi
- Kubika no kuvugurura amakuru ajyanye n’uburezi.
- Gukorana n’Ishami rishinzwe abakozi mu kugaragaza ibikenewe mu bakozi no gutegura amahugurwa yo kubongerera ubushobozi.
6. Ubujyanama n’Ihuzabikorwa
- Gutanga inama ku buyobozi bw’Akarere ku bijyanye n’uburezi.
- Kwitabira no gutanga umusanzu muri Komite y’Ihuza ry’Ibikorwa ku rwego rw’Akarere (District Technical Coordination Committee).