Guhera ku wa 02 Ugushyingo 2020 Itsinda ry’ Intumwa za Rubanda mu Nteko Ishinga amategeko Umutwe wa Sena rigizwe na Depite Senani Benoit na Uwamariya Rutijanwa Marie Pelagie bari mu rugendo rw’ Akazi mu Karere rwasojwe kuri uyu wa 05 Ugushyingo 2020.

Muri uru rugendo rwamaze icyumwe, Intumwa za Rubanda zasuye imirenge 3  bareba ishyirwamubikorwa ry’ ingamba zo guhangana n’ icyorezo cya covid-19, kugenzura bimwe mu bikorwa bigamije iterambere ry’ ubukungu n’ imibereho myiza y’ umuturage banaboneraho no kuganira n’ abahagarariye abaturage.

Muri iyi mirenge itatu yasuwe (Macuba, Cyato na Gihombo) basuye ibikorwa bitandukanye birimo amashuri arikubakwa muri iki gihe harebwa umuvuduko arikubakwaho ndetse banareba n’ uburyo abanyeshuri barikwiga banubahiriza amabwiriza yo kwirinda covid-19.

Hasuwe amakoperative y’ ubuhinzi atandukanye bareba uburyo akora agamije guteza imbere abanyamuryango hanasurwa kandi bamwe mu bacuruzi b’ inyongeramusaruro bareba uburyo barikugeza imbuto ku bahinzi muri iki gihembwa cy’ ihinga cya 2021A.

Intumwa za rubanda kandi zasuye Isoko Nyambukiranyamipaka rya Nyamasheke ryubatse mu Kagari ka Rugari Umurenge wa Macuba , basanga rigeze ahashimishije basaba ko ibisigaye byakwihutishwa rigatangira kubyazwa umusaruro.

Bamaze gusoza ingendo mu mirenge bagaragarije ubuyobozi bw’ Akarere ibyo babonye maze babasaba gukomeza kwegera abaturage no kubagira inama