Abahesha b’inkiko batari ab’umwuga basabwe kurushaho kunoza serivisi zo kurangiza imanza mu rwego rwo kwegereza ubutabera abaturage
Mu gitondo cyo ku wa 12 Kanama 2025, Umuyobozi w’Akarere wungirije ushinzwe Iterambere ry’Ubukungu, Bwana Muhayeyezu Joseph Désiré, yatangije amahugurwa y’umunsi umwe y’abahesha b’inkiko batari ab’umwuga, yabereye ku biro by’Akarere ka Nyamasheke.
Atangiza aya mahugurwa, Bwana Muhayeyezu yasabye abitabiriye gukurikirana amasomo neza kugira ngo bongere ubumenyi mu kurangiza inyandikompesha, mu rwego rwo gutanga serivisi inoze ku baturage babagana bakeneye ubutabera. Yabibukije kandi ko ari ngombwa gukurikiza amategeko mu kazi kabo ka buri munsi no gukoresha neza ubushobozi bafite mu gufasha abaturage.
Aya mahugurwa yateguwe hagamijwe kongerera ubushobozi abahesha b’inkiko batari ab’umwuga, kugira ngo bashobore kurangiza neza inyandikompesha no gutanga ubutabera bwihuse kandi bufite ireme. Yitabiriwe n’abanyamabanga nshingwabikorwa b'utugari twose uko ari 68 tugize Akarere ka Nyamasheke, hakaba hitezwe ko ubumenyi bakuye muri aya mahugurwa buzafasha kunoza imitangire ya serivisi z'ubutabera no kurushaho kwegera abaturage.
Nyamasheke: Hatangijwe Icyumweru cy’Umujyanama hagamijwe kunoza serivisi no kwimakaza iterambere ry’umuturage
Kanjongo: Abadepite n’ubuyobozi bw'akarere bakemuye ibibazo mu nteko y'abaturage
Uyu wa 03 Gashyantare 2026 abadepite bo muri komisiyo y'ubukungu n'ubucuruzi mu Nteko ishinga amategeko y'u Rwanda bari kumwe n'ubuyobozi bw'Akarere…
Abadepite basuye imihanda y’imihahirano mu Karere ka Nyamasheke
Kuri uyu wa 3 Gashyantare 2026, Umuyobozi w’Akarere Wungirije ushinzwe Iterambere ry’Ubukungu, Bwana Muhayeyezu Joseph Désiré, yakiriye itsinda…
Abaturage ba Karengera basabwe gukoresha neza umusaruro uhagije babona kugira ngo barwanye imirire mibi
Nyamasheke: Ababyeyi basabwe kurera abana babo babatoza umuco w'ubutwari kugira ngo bazabashe kwimana u Rwanda
Umunsi w'intwari z'igihugu wizihijwe mu karere ka Nyamasheke kimwe n'ahandi hose mu gihugu kuri uyu wa 01 Gashyantare 2026. Ugu munsi w'Intwari…
Urwego rw’Umuvunyi rwasoje gahunda y’icyumweru yo gukumira no kurwanya ruswa n’akarengane mu Karere ka Nyamasheke
Kuri uyu wa 30 Mutarama 2026, Urwego rw’Umuvunyi rwasoje gahunda y’icyumweru ya gahunda yo kukumira no kurwanya ruswa n'akarengane yatangiye ku wa 26…
Abashoramari baguze ubutaka muri Nyamasheke barasabwa kubukoresha icyo bwagenewe mu buryo bwihuse
Abasenateri bijeje ubuvugizi aborozi n'abacuruzi b'ibiryo by'amatungo bataka ko bibageraho bihenze cyane
