Ubwo kuri uyu wa 01 Gicurasi isi yose yizihizaga Umunsi Mpuzamahanaga w’Umurimo, Abakozi b’Akarere bakorera ku rwego rw’Akarere na bamwe mu bafatanyabikorwa babo, bo bawizihije basura bimwe mu byiza nyaburanga biri muri Pariki y’Igihugu ya Nyungwe. Bamwe mu bakozi batangaza ko n’ubwo iyi Pariki iri mu Karere bakorama baribataragera kuri bimwe mu bice biyigize nk’ikiraro cyo mu kirere “Canopy Walkway” ariko kandi bikaba n’uburyo bwiza bwo kuruhuka mu mu mutwe kubera amahumbezi n’urusobe rw’ibinyabuzima bigaragara muri iyi pariki. Umuyobozi w’Akarere ka Nyamasheke Kamali Aimé Fabien we avuga ko kuri iyi nshuro bahisemo kwizihiza umunsi Mpuzamahanga w’Umurimo mri iyi pariki kugira ngo abakozi barusheho kumenya ibyiza biri mu karere bakoreramo Atari ukubyumva nk’abandi gusa. Ati “ umwaka ushize twakoreye uyu munsi ku nkengero z’ikiyaga cya Kivu, turishima ariko uyu munsi twaqhisemo kuza hano muri iyi pariki kugira ngo naho abakozi bahamenye, Atari ukubwira abandi ibyiza bo batarageraho. Umuyobozi w’Akarere arahamagarira Abanyarwanda n’Abandi bose bifuza gusura iyi Pariki n’Akarere muri rusange gukomeza kwitabira ibikorwa by’ubukerarugendo muri aka karere kuko bihari byisnhi Atari Ikiyaga cya Kivu na Pariki ya Nyungwe gusa ahubwo n’ibindi byisnhi birimo nk’Ibigabiro by’Umwami, Ikigaga muri Shangi, Umwaro w’Umwami, Intango y’Umwami,… Nyuma yo gusura iyi Pariki, abakozi bakomereje ubusabane mu nkengero z’iyi pariki banaganira ku cyakomeza guteza imbere umurimo wo soko y’iterambere rirambye.