Guhera Kuri uyu wa mbere tariki ya 23 kugera ku wa 25 Mutarama  mu karere ka Nyamasheke hari itsinda ry’abakozi  bo ku rwego rw’umuvunyi bayobowe n’ Umuvunyi wungirije ushinzwe kurwanya ruswa n'ibindi byaha bifitanye isano nabyo Bwana MUSANGABATWARE Clement ndetse n’Umuvunyi Mukuru Wungirije ushinzwe kurwanya no gukumira akarengane Madame KANZAYIRE Bernadette.

Ubwo yaganiraga n’abaturage b’Umurenge wa Kagano, n’Umuvunyi Mukuru Wungirije ushinzwe kurwanya no gukumira akarengane Madame KANZAYIRE Bernadette, yasobanuye amavu n’amavuko y’Urwego rw’Umuvunyi mu Rwanda ndetse anasobanura imikrere y’uru rwego. Yasobanuye ko imbpamvu nyamukuru yo kumanuka bakegera abaturage ari muri gahunda ya leta yo kwegera no kumva abaturage ndetse bakanabafasha gukemura bimwe mu bibazo bataba barabneye ibisubizo.yakomeje asaba abaturage bose kurushaho kurwanya no gukumira ruswa zo mu buryo bwose yaba bitugukwaha, ikimenyane ndetse n’iy’igitsina. Yibukije kandi ko mu gihe babonye uwaba ashaka kubaha cyangwa gutanga ruswa babimenyesha urwego rw’umuvunyi ndetse n’izindi nzego z’ubuyobozi bagafatanya kubikemura. Umuvunyi Mukuru wungirije yasabye na none abaturage kutabatwa n’umuco wo kutanyurwa n’ibyemezo biba byafashwe n’inkiko bagahitamo gukomeza gusiragira kuko bibadindiza mu iterambere.

Umuyobozi w’Akarere ka Nyamasheke Bwana KAMALI Aimé Fabien mu izina ry’Indongozi yashimiye ubuyobozi bw’Urwago  rw’Umuvunyi Uburyo rwabageneye iyi minsi yo kuza kubunganira mu gukemura ibibazo by’abaturage.

Nyuma y’ijambo ry’Umuvunyi Mukuru wungirije, abaturage bahawe umwanya babaza ibibazo bihabwa ibisubizo ibindi bihabwa umurongo.

Iyi gahunda yabereye mu Mirenge imwe y’Akarere ka Nyamasheke ikazakomereza mu yindi mirenge yasigaye ku munsi w’ejo kuwa kabiri ikazasozwa n’inama izabera ku rwego rw’Akarere irebera hamwe ibyavuye mu hirya no hino mu mirenge ku wa 25/01/2016

TUYIZERE Jacques

Public Relations, Media and Communication Officer