Ubuyobozi bw’Akarere ka Nyamasheke bufite umushinga wo kwagura ubuso buhingwaho icyayi kugira ngo bifashe abaturage kuzamura imibereho myiza yabo.

Ubusaznwe Akarere ka Nyamasheke kagaragaramo igihingwa cy’icyayi kiri ku buso busaga 4000 Ha hakaba hagiye kwiyongeraho ubusaga 3500Ha bityo mu myaka ine iri imbere hakazaba hari ubuso busaga 7500 ha buhinzeho icyayi.

Imiterere y’umushinga

Nk’uko bisobanurwa n’Uuyobozi w’Akarere Mukamasabo Appolonie, uyu mushinga uzakorwa ku nkengero za Pariki y’Igihugu ya Nyungwe na cyane ko ari ho hagaragara ubutaka budahinzeho kandi ari bwo buberanye n’igihingwa cy’icyayi.

Hazabanza harebwe ubutaka buzahingwaho, maze abaturage babutuyeho bubakirwe inzu zo kubamo muri site y’umudugudu hanyuma bishyurwe ibikorwa byabo biri ku butaka bahabwe imbuto y’icyayi yo guhinga kuri ubwo butaka.

Iyo mbuto y’icyayi bazayihabwa nk’inguzanyo hanyuma abo baturage banahabwe akazi muri icyo cyayi bajye bahembwa nk’abandi bakozi, bajye bishyura buhoro buhoro ku buryo bazegurirwa cya cyayi kikitwa icyabo akaba ari bo bazajya bigemurira icyayi ku nganda.

Kugira ngo uyu mushinga uteganya gutengirana n’ukwezi kwa Mutarama 2020 uzashoboke birasaba ubufatanye bw’inzego zitandukanye yaba iza Leta ndetse n’iz’abikorera basanzwe bafite mu nshingano ibijyanye n’igihingwa cy’icyayi.

Rwanda Mountain Tea nk’umushoramari ukomeye mu gutungaya icyayi ikaba inafite inganda ebyiri mu Karere, ivuga ko yiteguye gutanga umusanzu wose ukenewe kugira ngo ubu buso bwongerwe uko ayoishishikajwe no kuzamura imibereho myiza y’umuturage.

Abaturage bafite ubutaka buzagurirwaho icyayi bishimira cyane uyu mushinga bakagaragaza ko bawiteho impinduka kuko bazabona akazi muri iyi mirima bikabahesha kugira amafaranga yinjira mu mifuko yabo.

Mu Karere ka Nyamasheke habarurwa inganda ebyiri z’icyayi n’urundi rumwe rwenda gutangira imirimo yarwa, ndetse n’urundi rwena gutangira kubakwa.