Mu karere ka Nyamasheke hatangijwe gahunda yo kwita ku rubyiruko mu biruhuko, 'Intore mu Biruhuko' ku nsanganyamatsiko igira iti: ”Ubuzima bwiza, agaciro kanjye". Iyi gahunda igamije gufasha urubyiruko ruri mu biruhuko kurushaho kumenya indagagaciro na kirazira by'umuco nyarwanda, kwirinda ibiyobyabwenge n'izindi ngeso mbi, binyuze mu biganiro ruzahabwa.

Urubyiruko kandi ruzajya rufashwa mu kugaragaza impano binyuze mu mikino,imbyino, imivugo,...

Ku rwego rw'akarere, iyi gahunda yatangirijwe mu murenge wa RUHARAMBUGA kuri site ya EAV Ntendezi, Umushyitsi mukuru  akaba yari Umuyobozi w’Akarere Bwana MUPENZI Narcisse wari  kumwe n' Umuyobozi w' Akarere wungirije Ushinzwe Ubukungu  Bwana Muhayeyezu Joseph Desiré, abahagarariye inzego z'umutekano n'abafatanyabikorwa batandukanye.

Gahunda y'intore mu biruhuko  yatangijwe kuri site 68 zitandukanye zo mu  Mirenge  igize Akarere, hakaba hitabiriye Intore 14,423 bari kumwe n' Abatoza 311.

Bimwe mu bikorwa byakozwe harimo Ibiganiro, Imbyino za Kunyarwanda, Imbyino gakondo n'Imikino itandukanye.

Umuyobozi w' Akarere atangiza Iyi gahunda yatanze ubutumwa bwagarutse kugusaba Urubyiruko kwitabira gahunda y' Intore mu Biruhuko,  kwirinda ibiyobyabwenge n' ingeso mbi zakwangiriza bwabo, kwimakaza indagagaciro na Kirazira by' Umuco Nyarwanda, gutinyuka bakagaragaza impano zabo.

Itorero rireba Abana n' Urubyiruko kuva ku myaka 10 kugeza kuri 25 rikazajya riba iminsi itatu mu cyumweru (Ku wa mbere, ku wa Gatatu no ku Gatanu ku va saa saba 13:00 kugeza sa kumi 16:00)