Mu Karere ka Nyamasheke ni ho hatangirijwe ku rwego rw' Igihugu icyumweru cyahariwe kwita ku buzima bw' umubyeyi n' umwana.

Gahunda yabimburiwe no gusura irerero ry' abana bato rya Rwankuba  mu Murenge wa Karengera ryubatswe rikanacungwa mu bufatanye na Gikuriro Kuri Bose, ibiganiro bikomereza muri uyu murenge.

Abayobozi bose batanze ubutumwa barimo Umuyobozi Mukuru w' Ikigo Gishinzwe Imikurire y' Abana, NCDA, Guverineri w' Intara y' Iburengerazuba n' abandi bafatanyabikorwa bagarutse ku nsanganyamatsiko y' iki cyumweru igira iti  "Hehe n'Igwingira ry'Umwana. Twite ku buzima bw'umubyeyi utwite n'umwana, imirire, isuku n'isukura, dukingize abana inkingo zose"

Ubushakashatsi k’ubuzima n’imibereho y’Ingo bwagiye bukorwa ,bwagaragaje ko mu Karere ka Nyamasheke igwingira ry’abana bari munsi  y’imyaka itanu  ryagiye ryiyongera aho kugabanuka ,riva kuri 33% mu mwaka wa 2010 rikagera kuri 37.8% ,mu mwaka wa 2020 mu gihe ubundi bwoko bw’imirire mibi bwagiye bugabanuka.

Iri zamuka ry’iwingira ry’abana,  ryatumye Akarere   hamwe n’abafatanyabikorwa bako  bagendeye kuri gahunda y’imyaka ibiri yo kugabanya  igwingira  , bakanguriye abaturage hafashwe  ingamba no gushyira ingufu muri gahunda  zigamije kurwanya imirire mibi by’umwihariko  Igwingira ry’abana muri zo harimo :Gukangurira abaturage  kuboneza  urubyaro nk’ inkingi y’iterambere rirambye  aho imibare twereka ko kuboneza urubyaro muri rusange : 58.1% , ababoneza urubyaro kuburyo bwa kizungu ari 57.1%, na ho  gupimisha inda  incuro enye bikaba bigeza ku ijanisha rya 56.9%, gukangurira abaturage gupimisha abana imikurire mu rwego rwo gukurikirana imikurire ,kugaburira abana indyo yuzuye no kubitaho  binyuze mu gikoni cy’umudugudu ,ingo mbonezamirire(VillageNutrition School) mu midugudu zingana na 1054 ziyoborwa n’ababyeyi  b’Urumuri ,ukangurira abayeyi  kwitabira ingo mbonezamikuri ECD) aho ubu mu Karere habarurwa ingo mbonezamikurire 1367  zirimo abana 38647 ,kubufatanye na GIKURIRO KURIBOSE, hakaba hamaze kubakwa Ingo Mbonezamikurire 22  zimeze nk’ urwasuwe uyu munsi ne ziri mu midugudu itandukanye mu mirenge 13

Mu rwego rwo gukurikirana abana bagiye bagaragarwaho n’imirire mibi baba abo ababonetse mu ipima risanzwe, haba abababonetse mu cyumweru cyahariwe ubuzima  muri Gicurasi 2023 , akarere kagiye kishakamo ibisubizo birimo:GAHUNDA INKOKO Y’UMURYANGO IGI RYA BEBE, aho hamaze gutangwa inkoko 20000 ku miryango 3642 ,kubufatanye bw’akarere,abagenerwabikorwa ba gahunda y’imfashabere (NSDS) n’abafatanyabikorwa , Gahunda ya MWANA UKUNDWA aho  abaturage b’intangarugero bakanguriwe gukurikirana abana bari mu mirire mibi (Kubyara muri batisimu) mu rwego rwo kubaherekeza kugirango bayivemo burundu ,hari gushyirwa ingufu kandi mu gukurikirana gahunda zose zigenerwa abana  kugirango zishobore kugira umusaruro (SHISHAKIBONDO,Amata n’izindi),isuku na gahunda z’ubuzima .