Umuyobozi w’ Akarere Wungirije Ushinzwe Iterambere ry’ Ubukungu yatangije Umushinga w’ Ubufatanye mu Guteza Imbere Ubworozi bw’ Amatungo Magufi n’ Amasoko y’ Ibiyakomokahao (PRISM-Project).

Uyu mushinga ufite intego yo kurwanya ubukene binyuze mu guha ubushobozi abagabo, abagore n’ urubyiruko bwatuma bagira uruhare mu iterambere ry’ ubworozi.

By’ umwihariko uyu mushinga ufite intego yo  kwihaza mu biribwa no guteza imbere ubukungu bw’ imiryango ikennye binyuze mu bufatanye mu guteza imbere ubworozi bw’ amatungo magufu.

Mu ishyirwa mu bikorwa ry’ uyu mushinga uzamara imyaka 5, hazatangwa amatungo magufi arimo ingurube, inkoko, intama ndetse n’ ihene bizahabwa imiryango isaga 3250

Ku ikubitiro muri uyu mwaka w’ ingengo y’ imari 2021-2022mu Karere  hazatangwa inkoko 1750 n’ ingurube 150

Hazanubakwa kandi ibikorwaremezo birimo:

• Isoko ry’ amatungo I Bumazi mu Murenge wa Bushenge
• Ibagiro ry’ ingurube muri Rugari mu Murenge wa Macuba
• Ivuriro ry’ amatungo magufi mu Murenge wa Shangi

Abagenerwabikorwa b’ uyu mushinga bazaya bategurwa mu mahugurwa bazahabwa mbere yo guhabwa aya matungo, bubakirwe ibiraro babone kuyahabwa ndetse bahabwe n’ ibiryo byayo bizabafashe kuyitaho mu minsi ya mbera igihe azaba ataratangira gutanga umusaruro.