Kuri uyu wa 10 Nzeri 2021 hasojwe umwiherero w’ iminsi itanu wahuje inzego zitandukanye zirimo urwego rw’ Akarere, Ibitaro, n’ abafatanyabikorwa bafite aho bahuriye n’ ibikorwa byo kurwanya imirire mibi mu bana mu Karere ka Nyamasheke wateguwe ku bufatanye n’ Ikigo cy’ Igihugu Gishinzwe Imikurire y‘ Abana (NCDA) kibicishije mu Muryango ORORA WIHAZE uterwa ikunga na USAID

Uyu mwiherero wabaye umwanya mwiza wo gusuzuma ibikorwa byakozwe muri gahunda  y’ Akarere yo kurwanya Imirire mibi mu bana mu mwaka wa 2020-2021 ndetse no gutegurira hamwe gahunda y’ umwaka wa 2021-2022 harebwa ahakwiye kngerwa imbaraga kugira ngo iki kibazo kivugutirwe umuti mu buryo burambye.

Zimwe mu ngamba zafatiwe muri uyu mwiherero zirimo guhuza imbaraga z’ ubuyobozi bwite bwa Leta, iz’ abafatanyabikorwa batandukanye (Imiryango itegamiye kuri Leta, Inganda, Abanyamahoteli, abanyenganda,..) nta n’ umwe usigaye inyuma kugira ngo barwanye imirire mibi n’ igwingira mu bana bari munsi y’ imyaka itanu

Izi gahunda zirimo koroza imiryango igaragaramo imirire mibi no kubakangurira kurya ibikomoka ku matungo, kubafasha gukora imirima y’ igikoni no gutera ibiti by’ imbuto ndetse no kurushaho gukurikirana ko abana bagaragaweho  imirire mibi baivamo, gukangurira ababyeyi kujyana abana mu mareroro n’ ibindi.

Umuyobozi w’ Akarere Wungirije Ushinzwe Imibereho Myiza wayoboye uyu mwiherero yashimiye ubushake abafatanabikorwa bagaragaje nk’ umusanzu wo kurinda abanda imirire mibi n’ igwingira, avuga ko ari bizatuma bicika burundu maze tukagira Igihugu kizira abana bagwingiye.