Abakinnyi ba Mahembe na Nyabitekeri bafashe ifoto n'abayobozi mbere y'umukino

Kuri uyu wa 16 Gashyantare 2025, mu karere ka Nyamasheke habaye amarushanwa y'umurenge Kagame Cup 2024-2025. Aya marushanwa yabimburiwe n'umukino w'amagare, watangijwe n'umuyobozi w'akarere wugirije ushinzwe ubukungu Bwana MUHAYEZU Joseph Désiré. Hakurikiyeho imikino inyuranye y'amaboko harimo (volleyball), (basketball) n'igisoro, gusiganwa ku maguru, gusimbuka n'imikino y'umupira w'amaguru mu bagabo n'abagore.

Ikipe y'abagore ya Mahembe na Rangiro zafashe ifoto n'abayobozi mbere yo kumvana imitsi

Umukino w’amaguru mu bagore watangijwe n’umuyobozi w’akarere wungirije ushinzwe Ubukungu imibereho myiza y'abaturage Madamu Mukankusi Athanasie, ukaba wahuje ikipe y’abagore y’umurenge wa Mahembe yatsinze iya Rangiro ibitego 10-0.
 

Umuyobozi w'akarere Bwana Mupenzi Narcisse atangiza umupira hagati ya Nyabitekeri na Mahembe

Umupira w’amaguru mu bagabo watangijwe n’umuyobozi w’akarere ka Nyamasheke Bwana Mupenzi Narcisse, uhuza ikipe y’umurenge wa Nyabitekeri n’iya Mahembe, Nyabitekeri ikaba yatsinze Mahembe bitego 3-1.

Insanganyamatsiko y’aya marushanwa yagiraga iti: “Twimakaze imiyoborere myiza duharanira ko umuturage aba ku isonga.”

Umuyobozi w'akarere wungirije Bwana Muhayeyezu Joseph Désiré ashyikiriza igikombe Nyabitekeri

Imikono yasojwe no gutanga ibihembo ku makipe n'abakinnyi bitwaye neza kurusha abandi.

Asoza ku mugaragaro amarushanwa y'umurenge Kagame Cup 2024-2025 ku rwego rw'akarere ka Nyamasheke, umuyobozi w'akarere wungirije ushinzwe ubukungu Bwana MUHAYEZU Joseph Désiré, yashimiye amakipe yitabiriye aya marushanwa, ashimangira ko imikino ari kimwe mu byafasha kwimakaza imiyoborere myiza kandi umuturage agahora ku isonga.

 Abafana bari bakubise buzuye