Kuri uyu wa 08 Gicurasi 2017 mu cyumba cy’Inama cy’Akarere ka Nyamasheke, Umuyobozi w’Akarere Bwana KAMALI Aimé Fabien yakiriye indahiro y’Umunyamabanga Nshingwabikorwa  mushya w’Akarere ka Nyamasheke hanakorwa ihererekanyabubasha hagati y’Uwari y’Umunyamabanga Nshingwabikorwa w’Agateganyo Bwana  NIYIBIZI NTABYERA Hubert akaba ari Umuyobozi Mukuru Ushinzwe Imirimo Rusange.

Ubwo yakiraga iyi ndahiro, Umuyobozi w’Akarere Bwana KAMALI Aimé Fabien, yashimiye Bwana NIYIBIZI NTABYERA Hubert wakoze imirimo ye neza akanarenzaho iyo gusigara mu cyuho cy’ Umunyamabanga Nshingwabikorwa w’Akarere ubwo uwari uriho Bwana HABIYAREMYE Pierre Célestin yari amaze kugirirwa ikizere akagirwa Umunyamabanga Nshingwabikorwa w’Intara y’Iburengerazuba. Yashimiye kandi abakozi muri rusange batahwemye kugaragaza ubufatanye kugira ngo bese imihigo. Yifurije ishya n’ihirwe KAYUMBA Euphrem mu mirimo mishya amwizeza ubufatanye bwa buri gihe kdi amumara impungenge kuko asanze itsinda ryiza. Yamusabye gukomeza kurinda ibyagezweho no kurushaho gukorana neza n’abo asanze kugira ngo hirindwe icyo ari cyose cyatuma akazi kadakorwa neza.

Mu ijambo rye , Umunyamabanga Nshingwabikorwa w’Akarere Bwana KAYUMBA Euphrem yavuze ko ashimira Leta kubera Imiyoborere Myiza anasaba ko bakomeza ubufataye byose biganisha ku Iterambere n’ mibereho myiza y’Umuturage. Yashimye ko adatangiriye ku busa ahereye ku byo yahawe mu ihererekanyabubasha, yizeza ko bazagera kuri byinshi bafatanyije.

TUYIZERE Jacques

Public Relations, Media and Communication Officer