Kuri iki cyumweru tarikiki ya 4 Ukuboza 2016 mu karere ka Nyamasheke hatangijwe itorero ririmo nyobozi zose z’imidugudu, Abajyanama mu Nama Njyanama z’Utugari ndetse n’Abajyanama mu Nama Njyanama z’imirenge. Iri torero rifite intego igira iti “Twimakaze indangagaciro twese imihigo”

Iri torero rizamara iminsi irindwi kuko rizasozwa ku wa gatandatu tariki ya 10 Ukuboza 2016 ririkubera ku masite ane yahuriyeho abatozwa bo mu murenge yegereye site. Amasite akoze ku buryo bukurkira:

1.      Ishuri ryisumbuye rya GAFUNZO mu Murenge wa SHANGI ryahuriyeho Abatozwa baturuka mu Mirenge ya Nyabitekeri, Shangi na Bushenge rikaba ririho abatozwa 640

2.      Ishuri ry’Ubuhinzi n’Ubworozi rya NTENDEZI Mu Murenge wa RUHARAMBUGA ryahuriyeho imirenge ya Ruharambuga, Bushekeri na Karengera iriho abatozwa 522

3.      Urwunge rw’Amashuri rwa MUTAGATIFU YOZEFU rwa NYAMASHEKE mu murenge wa Kagano hahuriye abatozwa bava mu mirenge ya Kagano, Kanjongo, Rangiro na Cyato ikaba ifite abatozwa 736

4.      Urwunge rw’Amashuri UMUCYO KARENGERA  mu Murenge wa KIRIMBI yahuriyeho abava mu Mirenge ya Kirimbi, Mahembe, Gihombo, Macuba na Karambi ikaba ari yo iriho abatozwa benshi 1016

Birumvikana ko abatozwa bose ku rwego rw’Akarere mu masite yose uko ari ane ari 2914

Nk’uko byavuzwe n’Umuyobozi w’Akarere ka Nyamasheke Bwana KAMALI Aimé Fabien ubwo Yafunguraga iri Torero ku Mugaragaro kuri site ya G.S UMUCYO KARENGERA, nyuma y’iyi minsi irindwi y’itorero hitezwe ko aba bayobozi bazaba bafite impamba ihagije yo kubasindagiza no kubakarishya mu buryo bw’Imiyoborere Myiza ndetse n’Imitangire ya serivisi biganisha ku kwesa imihigo byose bigaruka ku Iteranbere n’imibereho myiza y’Umuturage we bose bahamagariwe kureberera. Yasabye abatozwa guha agaciro gakomeye iyi minsi irindwi y’Itorero kandi Umusaruro bazarikuramo ukazagaragarira mu bikorwa byabo nyuma y’iri torero.

TUYIZERE Jacques

Public Relations, Media and Communication Officer