Uyu wa 17 Kamena 2025 mu karere ka Nyamasheke hakozwe ibikorwa byo kugenzura isuku mu mirenge inyuranye by'umwihariko mu murenge wa Karengera na Kanjongo aho umuyobozi w'akarere ka Nyamasheke Bwana Mupenzi Narcisse yari mu murenge wa Karengera, naho umuyobozi w'akarere wungirije ushinzwe imibereho myiza akaba yari mu murenge wa Kanjongo.

Ibi bikorwa by'ubugenzuzi bw'isuku biribanda cyane cyane mu masantire y'ubucuruzi, aharebwa uko abakorera muri ibyo bice bitwara mu bikorwa bylisuku n'isukura, abayobozi bakaganira n'abaturage bafite ibikorwa muri ayo masantire kandi bakajya inama ku bikwiye gukorwa neza mu rwego rwo gutanga serivisi zifite isuku ku babagana cyane cyane abatanga serivisi zo kugaburira abantu, amacumbi n'ibindi mu rwego rwo kwimakaza umuco w'isuku mu bikorwa byose by'abaturage. 

Umuyobozi w'akarere wungirije Madamu Mukankusi Athanasie ari kumwe n'inzego z'umutekano n'abakozi blakarere bashinzwe ubuzima basuye isantire y'ubucuruzi ya  Tyazo baganira n'abakorera muri iyi santire ku isuku n'isukura kandi bajya inama mu rwego rwo kurushaho kunoza isuku muri serivisi batanga.