Umuyobozi w’ Akarere Wungirije Ushinzwe Imibereho Myiza hamwe n' abafatanyabikorwa mu mushinga #GikuriroKuriBose uterwa inkunga na USAID bifatanyije n' Abaturage b' Umurenge wa Karengera mu bikorwa by’ ukwezi k’ Ubukangurambaga bwo kurwanya imirire mibi n' igwingira ry’ abana bato.

Ibikorwa byabimburiwe no gutaha igicumbi mbonezamikurire cyubatswe ku bufatanye na #GikuriroKuriBose kiri gufasha abana 75 mu Mudugudu wa Rwinkuba mu Kagari ka Gashashi muri Karengera.

Ababyeyi barishimira ko kuri ubu abana babo bari kubona aho bafashirizwa haboneye

Mu biganiro byatanzwe, abitabiriye ibi bikorwa bakanguriwe gukomeza kwita kuri gahunda zitandukanye zigamije kwita ku kikurire y' abana harimo cyane kwita ku ndyo yuzuye irimo ibitera imbaraga, ibirinda indwara n' ibyubaka umubiri hanitwabwa cyane ku ngano n' inshuro umwana agaburirwa ku munsi

Mu bindi ababyeyi basabwe kwitaho harimo gupimisha abana buri kwezi, imirima y' igikoni, iziko ry' Umudugudu, kuboneza urubyaro & kwita ku bikorwa by’iminsi 1000 yambere y’umwana.

Nkuko byagiye bigaragazwa nubushakashatsi bunyuranye bwagaragaje ko imirire mibi cyane cyane igwingira ry’abana ritagabanuka ugereranyije n’imbaraga igihugu n’akarere gashyira mu ku rwanya imirire mibi aho akarere kagiye kagira imibare izamuka aho ku manuka bigaragazwa n’ubushakashatsi ku buzima n’imibereho y’abatarurage( DHS) bukorwa buri myaka itanu mu mwaka wa 2010 abana 33% kubana bari munsi y’imyaka itanu bari baragwingiye , mu mwaka wa 2015 bagera kuri 34 % naho 2020 bagera kuri 37.7%

Mu kwezi kwa Gicurasi 2022 hakozwe igikorwa cyo gupima abana ubugwingire mu cyumweru cyahariwe ubuzima aho hapimwe abana 5970 bari munsi y’imyaka 2027 nibo byagaragaye ko bagwingiye bangana na 34%

Imibare iva muri raporo z’ibigoNderabuzima igaragaza ko kugeza ku mpera z’ukwezi kwa cyenda dufite Abana bagize ndwaza z’imirire mibi yoroheje bagera 248 bari kwitabwaho n’abajyanama b’ubuzima n’amavuriro 128 (50%) bakaba aribo bamaze gukira

Ubu bukangurambaga bumaze gukorwa mu mirenge 8 bikaba biteganyijwe ko buzagera no mu yindi ku buryo ukwezi kuzasozwa imirenge yose 15 yagezwemo