Umuganda usoza ukwezi wakorewe mu murenge wa Mahembe

Ku rwego rw'Akarere ka Nyamasheke, Umuganda usoza ukwezi kwa Werurwe wakorewe mu murenge wa Mahembe ahakozwe umuhanda ureshya na Km 4 hanaterwa ibiti by'imbuto ku rwunge rw’Amashuri rwa Nyagatare mu rwego rwo kwizihiza umunsi nyafurika wo kurira ku ishuri . Umuganda witabiriwe na Nyakubahwa Umunyamabanaga wa Leta Ushinzwe Ubwikorezi muri Minisiteri y’Ibikorwaremezo akaba n’Imboni y’Akarere ka Nyamashekemuri Guverinoma Dr Alexis NZAHABWANIMANA , Itsinda ry’abakozi baturutse mu kigo cy’igihugu gishinzwe Ubwikorezi (RTDA), Umuyobozi w'Akarere , Abayobozi b'Akarere bungirije, 'ingabo, police n’itinda ry'abakozi b'Akarere n'umurenge n'abaturage basaga 2000 Ubwo yaganiraga n’abaturage nyuma y'umuganda, Umunyamabanga wa Leta yashimye ubuyobozi bw’Akarere, umurenge ndetse n’abaturage muri rusange uburyo igikorwa cy’umuganda cyari giteguye neza kandi kikitabirwa, ashima ko hakozwe ahantu hanini umuganda utabaye uwo kwikiza, avuga ko ari uburyo bwiza bwasangizwa n’abandi. Yakomeje kanndi gukangurira aaturage gukurikiza no kwitabira gahunda za leta zirimo kwicungira umutekano, gutanga Ubwisungane mu kwivuza, kugira isuku by’umwihariko bita ku bwiherero no kubungabunga ibikorwaremezo. Ubwo yagarukaga kuri gahunda zo kwibuka abazize jenoside yakorewe abatutsi muri Mata 1994, Umunyamabanga wa Leta Dr NZAHABWANIMANA Alexis yibukije abaturage ba Mahembe ko bakwiye gutegura icyunamo neza, bakirinda ingrngabitekerezo aho yava hose bakanafata mu mugongo abarokotse. Dr NZAHABWANIMANA Alexis kadi yakanguriye abaturage kurushaho gutegura neza amatora y’Umukuru w’Igihugu bakurikiza gahunda uko iteguye kandi neza. Nyuma y’ibiganiro hakozwe igikorwa cyo kwizihiza umunsi Nyafurika wo kugaburira abana ku ishuri (African Day of School feeding) aho bifatanyije n’Abana bo ku rwunge rw’Amashuri rwa Nyagatare, aho abana bahawe amafunguro maze ababyeyi bakangurirwa gushyira imbaraga muri iyi gahunda kugira ngo inkunga leta ishyiramo yegupfa ubusa ndetse n’abana bakarushaho kwiga neza. TUYIZERE Jacques Public Relations, Media and Communication Officer

Nyamasheke: Hatangijwe Icyumweru cy’Umujyanama hagamijwe kunoza serivisi no kwimakaza iterambere ry’umuturage

Kanjongo: Abadepite n’ubuyobozi bw'akarere bakemuye ibibazo mu nteko y'abaturage

Abadepite basuye imihanda y’imihahirano mu Karere ka Nyamasheke

Abaturage ba Karengera basabwe gukoresha neza umusaruro uhagije babona kugira ngo barwanye imirire mibi

Nyamasheke: Ababyeyi basabwe kurera abana babo babatoza umuco w'ubutwari kugira ngo bazabashe kwimana u Rwanda

Urwego rw’Umuvunyi rwasoje gahunda y’icyumweru yo gukumira no kurwanya ruswa n’akarengane mu Karere ka Nyamasheke

Abashoramari baguze ubutaka muri Nyamasheke barasabwa kubukoresha icyo bwagenewe mu buryo bwihuse

Abasenateri bijeje ubuvugizi aborozi n'abacuruzi b'ibiryo by'amatungo bataka ko bibageraho bihenze cyane

Abasenateri basuye Akarere ka Nyamasheke mu rugendo rwo kureba uko ubworozi butezwa imbere