Ubwo hizihizwaga Umunsi Mpuzamahanga w’ Umugore wo mu cyaro uba k uwa 15 Ukwakira buri mwaka, Umugore yongeye gushimirwa uruhare rwe ntagereranywa mu mibereho myiza y’ umuryango n’ n’ uw’ Igihugu muri rusange.

Bimwe mu byo umugore ashimirwa harimo imirimo ye ya buri munsi ituma Abagize umuryango ushobora kubaho ariko rimwe na rimwe bigafatwa nk’ ibidafite akamaro kdi ari byi bituma tubaho buri munsi.

Uyu mwaka insanganyamatsiko u Rwanda rwahisemo iragira iti “Ibidukikije: Ubuzima bwacu“! Abafatanyabikorwa batandukanye bagendeye kuri iyi nsanganyamatsiko bafashije abagore batishoboye gusohoza inshingano zabo ario batabangamiye ibidukikije dore ko imirimo yabo ifitanye isano na byo.

Iyo bateka bakenera inkwi zivuye ku bidukikije ndetse n‘ imyotsi ivuye ku bicanwa ikajya mu kirere ikacyanduza bikagaruka ku buzima bwacu bwa buri munsi, ari na byo bituma hakomeza ubukangurambaga bwo gukoresha uburyo bwa rondereza mu rwego rwo kurengera ibidukikije.

Umufatanyabikorwa JP RWEE yageneye abagore 200 imbabura za rondereza zishobora gukoresha urukwi rumwe zigahisha amafunguro y‘ umuryango ndetse inatanga ibigega bifata amazi 130 (2000l) na 20 (5000L) kugira ngo bafate amazi banarwanye isuri.

Abahawe ibi bikoresho bavuga ko bizabafasha mu buzima bwa buri munsi ndetse ko bikabafasha kubungbunga ibidukikije.

Umunsi Mpuzamahanga w’Umugore wo mu Cyaro wizihizwa ku isi yose buri mwaka ku itariki ya 15 Ukwakira ukaba waremerejwe mu nama mpuzamahanga ku bagore yabereye i Beijing mu Bushinwa mu mwaka w’i 1995.

Kwizihiza uyu munsi bigamije kuzirikana uruhare rw’umugore wo mu cyaro mu iterambere ry’umuryango n’iry’Igihugu muri rusange. Kuri uyu munsi kandi ni umwanya wo kurebera hamwe inzitizi umugore wo mu cyaro ahura nazo zimubuza kubyaza umusaruro amahirwe ahari no kwigira hamwe icyakorwa kugira ngo arusheho gutera imbere.

Mu Rwanda hashyizweho gahunda zitandukanye zifasha abagore mu iterambere. Izi gahunda zose zigomba gushingira kuri gahunda y’Iterambere y’imyaka 5 (NST2). N’ubwo Igihugu cyacu kimaze kugera kuri byinshi, umugore wo mu cyaro aracyahura n’inzitizi zitandukanye.