Mu gitondo cy'uyu wa 21 Nyakanga 2025, Umuyobozi w'akarere ka Nyamasheke Bwana Mupenzi Narcisse yakiriye mu karere itsinda ry'abakozi b'Ikigo cy'Igihugu gishinzwe ibarurishamibare, iri tsinda rikaba rigenzwa no gusuzuma ishyirwa mu bikorwa ry'imihigo y'akarere y'umwaka w'ingengo y'imari 2024-2025. 

Mbere y'igikorwa cyo gusuzuma ishyirwa mu bikorwa ry'imihogo, ubuyobozi bw'akarere bwahaye ikaze iri tsinda, bubizeza ubufatanye busesuye muri iki gikorwa, bugaragaza mu nshamake uko imihogo y'akarere yashyizwe mu bikorwa, imyinshi muri yo ikaba yaragezweho 100% n'ubwo hari indi itaragezweho 100% kubera imbogamizi zinyuranye zitaturutse ku ruhande rw'akarere. Muri rusange akarere kagaragaje ko imihigo y'umwaka wa 2024-2025 yashyizwe mu bikorwa ku buryo bushimishije, ku bufatanye bw'abakozi b'akarere n'abafatanyabikorwa bako. 

Iri suzuma ry'imihigo rigizwe n'ibice bitatu by'ingenzi ari byo gusuzuma impapuro zigaragaza uko umuhigo washyizwe mu bikorwa, gusura ibikorwa binyuranye hirya no hino mu karere, abagenzuzi baganira n'abaturage no kuganira n'ubuyobozi bw'akarere ku gikorwa cy'isuzuma ry'imihigo kuva ku munsi wa mbere kugeza ku munsi wa gatatu. 

Biteganyijwe ko iki gikorwa cy'isuzuma ry'imihigo gitangira ku wa 21 Nyakanga 2025 kikazasozwa ku wa 23 Nyakanga 2025, aho itsinda risuzuma imihogo rizakomereza mu kandi karere.